الأربعاء، 29 أغسطس 2012
اغنية 17 الحريه للــ MC SWAT
بتاريخ 5:24 ص بواسطة rap libya
V's & C's : Swat.T
OutRo: AZ
verse '1' X
بأسم الله وبأسم الامه وبأسم الشعب وبأسم الدين
انقولك برا يا قذافي نحي خلي الشعب يعيش
الناس رفضاتك فأيش تراجي برا خلي الوطن لناسه
هذي ارض انطهرها من اعوان ابليس وكل اجناسه
بأسم الثوره وبأسم الجيل وبأسم التراب الليبي الغالي
بأسم الناس وبأسم الحق عن الحرب ما يمنعني والي
هذا ثاري ناخذه بيدي وارثه من باتي لجدي
وارثه من عدة عقود واليوم انوض انطالب بحقي
اليوم انوض انطالب بحقي ومعايا 5 مليون
من الشمال للجنوب من الشرق للغرب نوض
هيا نوض هيا نوض ليبيا تطلب في الجنود
ليبيا تطلب في الجيل الغاضب والغضب لن يموت
نين يموت القذافي واعوانه موتت اليهود
منفي برا الارض الليبي الطاهر قسما لن يعود
لن يعود لن يعود حتي تفني بالدماء
الشعب الليبي باقي وماباقي غير الشهداء
2 Course X
هذي ثوره يعني قمة الانتصار
يعني قمة التلاحم والحريه للاحرار
هذي ثوره يعني تاريخ الاجداد
بطوله وعزم وقوه يا بطوله واستشهاد
verse '2' X
انحب انقولك يا قذافي افتح عينك انظر شوف
الشعبر الليبي كسر حاجز الخوف ووحد الكتوف
لا قبائل لا تطرف جمعتنا كلمة التوحيد
لا اله الا الله محفوره في قلب الشهيد
للتأكيد من جديد الشعب الليبي اكد حاله
ان الشعب الليبي وقف وقفه وحده وقفة رجاله
قرار مسحنالك وجودك ناكرين كل وعودك
محيت التاريخ الليبي واكيد ماحي كل جنودك
ضد الضيم وضد الكفر وقف الشعب الليبي صبّا
يطالب بحقوقه الشرعيه بصوت واحد نادا ربه
الشهاده للعباد طبعا من اجل الشهاده
طبعا من اجل الحريه والتغيير ضد الاباده
للتغيير من اجل الافضل صخره بصخره نبني بلادي
قطره بقطره من دم الشهيد انعاود مجد اجدادي
مستر دكتاتور انحب انقولك بس بالقول
الشعب الليبي يغنيلك قذافي جاك الدور
2 Course X
هذي ثوره يعني قمة الانتصار
يعني قمة التلاحم والحريه للاحرار
هذي ثوره يعني تاريخ الاجداد
بطوله وعزم وقوه يا بطوله واستشهاد
Outro X
يا شباب ليبيا شباب 17 الحريه تضامنوا يد بيد من الشرق الي الغرب حتي نبني ليبيا حره لا للقذافي واعوانه عاشت ليبيا حره
"عاشت ليبيا حره"
الاشتراك في:
تعليقات الرسالة (Atom)
ردود على "اغنية 17 الحريه للــ MC SWAT"
أترك تعليقا